Google ADS

Koronavirusi e ka prekur financiarisht edhe Shkurte Fejzën

08:57 | 14 Maj 2020
Arbresh Info

Këngëtarja e njohur e muzikës popullore Shkurte Fejza periudhën e pandemisë po e kalon në fshatin e saj të lindjes, Mushtisht.

Bilbili i muzikës popullore në një intervistë në emisionin “Pasdite” në RTV Dukagjini thotë se fshati ia ka lehtësuar këtë periudhë të vështirë për të gjithë.

“Nga fillimi i marsit jam izoluar edhe unë duke anuluar shumë mbrëmje e ahengje të tjera që i kam pasur të planifikuara”, tha ajo.

Fejza thotë se në Mushtisht është duke qëndruar me bashkëshortin ndërsa fëmijët janë në Prishtinë.

“Pandemia na ka prekur të gjithëve nga ana ekonomike. Secilin në mënyrën e vet. Kosova edhe ashtu ka ekonomi të dobët dhe qytetarët po e vuajnë këtë situatë”.

Megjithatë këngëtarja thotë se do të jetë e përpiktë në respektimin e vendimeve të Ministrisë së Shëndetësisë.

“Para se gjithash është shëndeti”, tha ndër të tjera Sjkurte Fejza.

 

Shpërndaje në rrjete sociale

Lajmet më të lexuara

Të ngjashme

Foto lajm